Дөрвөн улирлын хүлэмжтэй болох судалгаанд хамрагдахыг урьж байна

Судалдаагаар манай улс жилдээ төмс импортлоход 870,000 ам.доллар, нарийн ногоо импортлоход 47,092,000 ам.доллар нийт хүнсний ногооны импортод 89,309,000 ам.долларыг зарцуулдаг байна. Иргэдийн хүсэл сонирхол эх орны хөрсөнд ургасан шинэ ургацын ногоог хямд үнээр худалдан авч хүнсний хэрэгцээгээ хангахыг хүсдэг.

Нийслэл, дүүргийн Жижиг дунд үйлдвэрлэлийг дэмжих төвөөс төмс хүнсний ногоо тариалалт эрхлэгчдийг дэмжихээр АР ГҮНТэд байршилтай 2000 м2 газарт 4 улирлын хүлэмжийн бүтээн байгуулалт, иргэдэд тариалалтын цогц чадамж олгох цаашлаад хувийн бизнесээ хөгжүүлэхэд нь дэмжлэг үзүүлэх, борлуулалтын сувгийг цогцоор нь шийдвэрлэхэд анхааран төлөвлөгөө боловсруулан судалгаа хийж байна.

Иймд тариалалтаа нэмэгдүүлэх, шинээр энэхүү бизнест хүч сорих, ажлын гараагаа эхлэх сонирхолтой хэн бүхэнд нээлттэйгээр мэдээлэл хүлээн авч, чадамжийг тодорхойлж байна.

Иргэд, аж ахуйн нэгж харьяа дүүргийн Жижиг Дунд Үйлдвэрлэлийг Дэмжих Төв /7000-7012 болон 90110610/-ийн утсаар холбогдож мэдээллийн санд бүртгүүлж, 4 улирлын хүлэмжийн аж ахуйтай болох судалгаанд өөрсдийн мэдээллийг өгч, хамтран ажиллана уу.