“ДАНШИГ НААДАМ-ХҮРЭЭ ЦАМ 2023” ШАШИН, СОЁЛЫН НААДАМ НАЙМДУГААР САРЫН 5, 6-НД ХҮЙ ДОЛОО ХУДАГТ ЗОХИОН БАЙГУУЛАГДАЖ БАЙНА

Тус наадмыг Нийслэлийн Засаг даргын Тамгын газар, Нийслэлийн Аялал жуулчлалын газар болон Монголын бурхан шашинтны төв Гандантэгчэнлин хийд хамтран зохион байгуулж байна.

Даншиг нь Монголын соёл, шашны зан үйл, өв уламжлалыг хадгалсан, өвөрмөц онцлогтой наадам бөгөөд аялал жуулчлалыг хөгжүүлж, олон улсын жуулчдыг татах өндөр ач холбогдолтой юм.

Энэ ч хүрээнд монгол гар урчуудын соёл шингэсэн үндэсний үйлдвэрлэл жижиг дунд үйлдвэрлэл эрхлэгчдийн бараа бүтээгдэхүүний үзэсгэлэн худалдааг Нийслэл болон 9 дүүргийн Жижиг дунд үйлдвэрлэлийг дэмжих төв хамтран зохион байгууллаа.

Хан-Уул дүүргийн Жижиг дунд үйлдвэрлэлийг дэмжих төвөөс

- Үндэсний хувцас, хэрэглэл

- Ноос ноолуур

- Эсгий, нэхий урлал

- Зүүмэл урлал

- Мод, модон эдлэл

- Арьс, ширэн эдлэл

- Гоёл чимэглэл гэсэн төрлөөр 12 иргэн аж ахуйн нэгж оролцож байна.

Жил болгоны наймдугаар сарын эхний долоо хоногийн амралтын өдрүүдэд болдог тус наадмын хүчит бөхийн барилдаан, хурдан морь болон жороо морины уралдаан, шагай харвааны наадам, дэмбээний тэмцээн, морин цирк, морьт харвааны тэмцээн болохоос гадна жижиг, дунд бизнес эрхлэгчдийн бүтээгдэхүүн, ёс заншил харуулсан гэр хотхон, уран зураг, гэрэл зураг, эртний монгол хоол, хүнсний үзэсгэлэн худалдааг зохион байгуулагдаж байна.

Наадамчин олон та бүхнийг хүндэтгэн урьж байна.